Bu gün gənc nəslin düzgün yetişdirilməsi ölkə siyasətində önəmli yer tutur. Əsası ümummilli lider Heydər Əliyev tərəfindən qoyulan dövlət gənclər siyasətinin Prezident İlham Əliyev tərəfindən uğurla davam etdirilməsinin nəticəsidir ki, bu gün Azərbaycan gəncləri bütün sahələrdə özlərini doğruldurlar.
Ötən əsrin 90-cı illərinin əvvəllərində dünyada, o cümlədən Azərbaycanda baş verən ictimai-siyasi hadisələr dəyişdikcə, gənclər qarşısında duran problemlər və onların həlli yolları da dəyişməyə başladı. Bütün bunları bilən ümummilli liderimiz Heydər Əliyev gənc nəslin mütəşəkkil formada yetişdirilməsi üçün 1994-cü il iyulun 26-da Gənclər və İdman Nazirliyini yaratdı. Nazirlik yaradıldıqdan sonra dövlət gənclər siyasəti sahəsində mühüm işlər həyata keçirməyə başladı. Bu siyasətin davamı olaraq 1996-cı il yanvarın 26-da ulu öndər Heydər Əliyevin imzaladığı Sərəncama əsasən, fevralın 2-də Azərbaycan Respublikası gənclərinin ilk forumunun keçirilməsi qərara alındı. Bu forumun keçirilməsi ilə dövlət siyasətində gənclərə diqqət, qayğı daha da artırıldı. Forum müstəqil Azərbaycan Respublikasının gəncləri qarşısında duran mühüm vəzifələrin həyata keçirilməsində ölkə gənclərinin hər bir sahədə fəal iştirak etməyə hazır olduğunu nümayiş etdirdi və gənclərlə işin nəzərəçarpacaq dərəcədə canlanmasına səbəb oldu.

Hazırda da Ulu Öndər Heydər Əliyev tərəfindən əsası qoyulan gənclər siyasəti Cənab Prezident İlham Əliyev sayəsində, gənclərə dəstək olan, gənclərin fəaliyyətinə yüksək önəm verənlər sayəsində davam etdirilir.

Bu gün isə özüm də rəsmən iştirak etdiyim tədbirdə gənclərə verilən dəyərin əyani şahidi oldum.
Qafqaz Media İctimai Birliyi və Xətai Sənət Mərkəzinin birgə təşkilatçılığı ilə keçirilən tədbirdə ictimai fəallar, şairlər, yazarlar, qazilər və media nümayəndələri iştirak ediblər

Tədbirdə Qafqaz Media İctimai Birliyinin sədri Hacı Azadə Huseynova bütün gəncləri Gənclər Günü münasibəti ilə təbrik etmiş, və medal və diplomlarla təltif etmişdir.

“Qafqaz Media MMC”nin rəhbəri Azadə xanımın hazırki karantin dönəmində karantin qaydalarına uyğun olaraq tədbir keçirməsi, gəncləri diqqətdən qaçırmaması Respublikamızın, ölkə ziyalılarının gənclərə yüksək qiymət və dəyər verməsinin əyani sübutudur.

Xatırladaq ki, “İlin fəal gənci” medalı gənc fəallar Leyla Turan, Ülvi Ələkbərzadə, Pərvin Əsgərli, Maya İmran, Əli Novruzəliyev, Turan Etibaroğlu, Elcan Məmiyev, Şəfa Nəsibova, Nicat Dilqəmli, İntiqam Huseynov, Şəhriyar Hacıyev, Bəhrəm Qasımzadə, Ülkər Piriyeva, Fuad Əliyev, Fidan Əliyeva, Burhan İmamverdiyev, Vəfa Paşazadə, Səbinə Əvəzova, Mirdaməd Əzizov, İsmayıləli Muradov Şəhriyar Hacıyev, Bəhram Qasımzadə, Rəqsanə Qurbanova, Şəlalə Aydınova, pakistanlı gənc fəal Məhəmməd Usama, rəssam Ülkər Əbülfət , Fərid Namazov,Zülfüqar Hüseynov,Aygün Məmmədova,Əmrah Mehdiyev və başqalarına təqdim edildi.

Təltif edilənlər içində mən də var idim. Azadə xanımın məni də diqqətdən qaçırmaması və məni medalı təltif etmək üçün dəvət etməsi sözün əsl mənasında mənim üçün də surpriz oldu.

Təltifetmə işində əməyi keçən hər kəsə, xüsusilə də Qafqaz Media İctimai Birliyi və Xətai Sənət Mərkəzinə dərin təşəkkürümüzü və minnətdarlığımızı bildiririk!

Elcan Məmiyev / Ümid Tv

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir