XOCALIDA….

Susmuşdu ədalət susmuşdu vicdan.
İnsanlıq olmuşdu xar Xocalıda.
Göydən ağ yağırdı qar..amma yerdə
Olurdu qırmızı qar , Xocalıda..

Daşa dönmüşdülər daş ürəklilər ,
Torpaq ağlayırdı ,daş ağlayırdı.
Sınmış əl ayaqlar ,oyulmuş gözlər ,
Bədəndən ayrılan baş ağlayırdı.

O gecə Xocalı dəhşət içində,
Nəyə şahid oldu…yaşadı nələr.
Neçə arzuların söndü işığı,
Analar bətnində öldü körpələr..

Tarixin ən qara vərəqlərinə ,
Xocalı adında zülm yazıldı.
O gün Xocalıda doğulanların,
Ömrünə qan ,qada ölüm yazıldı..

Arzu Göytürk

                     

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir