Bu həftə hansı mədəni tədbirlər olacaq? - Afişa

Bakı sakinlərinin və şəhərin qonaqlarının asudə vaxtlarını səmərəli keçirmələri üçün mayın 11-dən 17-dək paytaxtda bir çox tamaşalar, konsertlər baş tutacaq.

YAZİCİ.AZ həftənin mədəniyyət tədbirlərinin afişasını təqdim edir.

Azərbaycan Dövlət Akademik Milli Dram Teatrında:

Mayın 12, 13 və 14-də saat 19:00-da Vilyam Şekspirin "Kral Lirin faciəsi" tamaşasının premyerası olacaq.

Ekzistensial faciə janrında səhnələşdirilən tamaşanın quruluşçu rejissoru Şota Rustaveli adına Gürcüstan Milli Teatrının Baş rejissoru David Sakvarelidzedir.

Biletlərin qiyməti 10-50 manatdır.

Mayın 15-də saat 19:00-da Xalq yazıçısı Elçinin "Baş" fəlsəfi romanı əsasında hazırlanan "Baş" tamaşası oynanılacaq.

Tarixi metafizik dram janrında olan tamaşanın quruluşçu rejissoru Əməkdar incəsənət xadimi, Dövlət mükafatı laureatı Mehriban Ələkbərzadədir.

Biletlərin qiyməti - 10-25 manat.

Mayın 16-da saat 19:00-da Anarın "Dantenin yubileyi" tamaşası oynanılacaq.

Tamaşanın quruluşçu rejissoru Ərşad Ələkbərovdur.

Biletlərin qiyməti 8-15 manatdır.

Mayın 17-də saat 19:00-da Cəfər Cabbarlının "Aydın" tamaşası olacaq.

Quruluşçu rejissor Xalq artisti Firudin Məhərrəmovdur.

Biletlərin qiyməti 10-25 manatdır.

Azərbaycan Dövlət Milli Gənc Tamaşaçılar Teatrında (GTT):

Mayın 16-da saat 19:00-da M.Füzulinin "Leyli və Məcnun" tamaşası oynanılacaq.

Tamaşanın quruluşçu rejissoru Əməkdar artist Nicat Kazımovdur.

Biletlərin qiyməti 8-15 manatdır.

Mayın 17-də saat 19:00-da İlqar Fəhminin "Şah Abbas Namə" tamaşası təqdim olunacaq.

Tamaşanın quruluşçu rejissoru Əməkdar artist Nicat Mir Kazımovdur.

Biletlərin qiyməti 10-15 manatdır.

Azərbaycan Dövlət Yuğ Teatrında (Kukla Teatrının binasında):

Mayın 16-da saat 19:00-da "Asılqan" tamaşası nümayiş etdiriləcək.

Tamaşanın quruluşçu rejissoru Abdul Qənidir.

Biletlərin qiyməti 10-15 manatdır.

Mayın 17-də saat 19:00-da İmadəddin Nəsiminin 650 illiyinə həsr olunan "Mənəm, mən..." mistik-psixoloji dramı oynanılacaq.

Quruluşçu rejissor Əməkdar incəsənət xadimi, Dövlət mükafatı laureatı Mehriban Ələkbərzadədir.

Biletlərin qiyməti: 5-15 manat.

Azərbaycan Dövlət Akademik Musiqili Teatrı:

Mayın 15-də saat 19:00-da SSRİ xalq artisti Fikrət Əmirovun musiqiləri və "1001 gecə" nağıllarının motivləri əsasında böyüklər üçün "999-cu gecə" nağıl-tamaşası oynanılacaq.

Quruluşçu rejissor: İradə Gözəlovadır.

Biletlərin qiyməti: 5-15 manat.

Mayın 16-da saat 19:00-da Üzeyir Hacıbəylinin "O olmasın, bu olsun" tamaşası nəzərdə tutulub.

Tamaşanın quruluşçu rejissoru Xalq artisti Cənnət Səlimovadır.

Biletlərin qiyməti: 8-15 manat.

Mayın 17-də saat 19:00-da yazıçı-dramaturq, Əməkdar incəsənət xadimi Əli Əmirlinin eyniadlı pyesi əsasında hazırlanan "Mesenat" tamaşası.

Tamaşanın quruluşçu rejissoru Samir Qulamovdur.

Biletlərin qiyməti: 10-20 manat.

Heydər Əliyev Sarayında:

13 may saat 20:00-da Əməkdar artist Ədalət Şükürovun YUBİLEY konserti olacaq,

Biletlərin qiyməti: 39-149 manat

Mayın 15 və 16-da saat 20:00-da "Cabir İmanov - 50. Xalqın Artisti" xatirə gecəsi baş tutacaq.

Biletlərin qiyməti: 20-170 manat

oxu.az