Hörmüz boğazı - Kənan Hacının şeiri
Yazıçı Ədəbiyyat Portalı Kənan Hacının "Hörmüz boğazı" şeirini təqdim edir.
Saat öz əbədi vərdişindədir,
baxıram, əqrəbin yönü beşədir,
xəbər axınları qoymur yatmağa,
Hörmüz boğazında düyünlənib
dünyanın ən yağlı tikəsi,
bəşərin ən uzun səksəkəsi...
dünya xəritəsinin tıxanma nöqtəsi,
Xeyir Tanrısının duaları
iki körfəz arasında asılı qalıb,
sual ver tarixə -
bu savaşda kim uduzub,
kim qələbə çalıb?
Tarix bu sualın cavabını
gələcəyə saxlayıb,
zaman əbədi vərdişindədir,
öz işindədir...
O kimdi öz “qələbə”siylə öyünür?
Dünyanın nəbzi Hörmüzdə döyünür,
xəbər axınları qoymur yatmağa...
11 aprel, 2026
Sizin reaksiyanız nədir?
Bəyən
0
Bəyənmədim
0
Sevgi
0
Əyləncəli
0
Əsəbi
0
Kədərli
0
Vay
0
