Özbək yazıçı Nobel mükafatına namizədlər siyahısında

Özbəkistanlı yazıçı Həmid İsmayılov 2026-cı il Ədəbiyyat üzrə Nobel Mükafatına namizədlər siyahısına düşüb.

Yazici.az xəbər verir ki, İsmayılovla yanaşı, siyahıya Haruki Murakami, Marqaret Atvud, Salman Ruşdi, Coan Roulinq və Stiven Kinq kimi dünyaca məşhur müəlliflər də daxildir.

Nobel Mükafatının ənənəsinə görə namizədlər haqqında məlumatlar 50 il ərzində məxfi saxlanılır. Rəsmi Nobel Mükafatı məlumat bazasında da yeni namizədlər haqqında məlumatların həmin müddətdən sonra ortaya çıxdığı bildirilir. Buna görə də, Həmid İsmayılovun 2026-cı il Nobel Mükafatına namizəd olduğunu rəsmi olaraq təsdiqləmək mümkün deyil.

Həmid İsmayılov 1954-cü ildə Qırğızıstanın Frunzen bölgəsindəki Tokmok şəhərində anadan olub, hərbi rabitə məktəbini, daha sonra isə Daşkənd Dövlət Universitetinin biologiya, hüquq və inzibatçılıq fakültələrini bitirib. O, 1992-ci ildə İsmayılov Özbəkistanı tərk edib, həmin vaxtdan da Londonda yaşayır. Əsərlərini rus, alman və fransız dillərində yazır. 2006-cı ildə onun “Dəmir yol” romanını tanınmış yazıçı Robert Çandler ingilis dilinə çevirərək Londonda nəşr etdirib.

2026-cı il Ədəbiyyat üzrə Nobel Mükafatının qalibi oktyabrın 8-də cümə axşamı günü Stokholmda elan ediləcək. Qalib 12 milyon Səudiyyə Kronası (təxminən 1,2 milyon dollar) alacaq. Mükafatlandırma mərasimi dekabrın 10-da keçiriləcək.

Xatırladırıq ki, keçən il Ədəbiyyat üzrə Nobel Mükafatını macar yazıçısı Laslo Krasnahorkai almışdı.